| تبليغات | X |
|
بانه شيعر
|
||
|
شێعر |
ویست
پەپوولەیەك
باڵەكانی گۆنای گۆڵیان
دوور نەبینی
كرانەوە تا پێی بگەن
ویستێكی سیس
گەندەڵانە جوڵكەی بڕین
تا قەتیس بن
نەبن بە هەرمانی فڕین
تەنبــوور
تۆ تەنبــووری
ئەفـســـــوناوی
چی لێـت دوور بم
زیاتر كێـشــی خۆتـم دەكەی
موغناتیـــسی تـلیــســماوی
ئەفســـوناویــم
هەر چی دەكەم لە ناخی ڕەنـگامەی تەما
هەر پیت ناگەم
ئافراندن
تۆیان بۆ من ئافراندوە
لەم بەر سنووری چاو شاركێ و
لەو پەڕ هەناسەی خەونەكان
تۆیان بۆیە ئافراندوە تا
بەر بەیان و ئێواران
ئازارم دەی
بێ ئەوەی بە خۆت بزانی
كە تۆ
ئەڕێ
تۆیان بۆ من ئافراندوە
نەمام
من دەزانم
ڕۆژێ لێرە لێرەدا
یان شەوێكی پڕ هەسارەی ئاسمان
لەودەمەی وا من كە نازانم چلۆن
دێتە لام
ئەو دەستە وا قەت نەم دیە
دێت و ئارام
یا كوو توند دەمبا لە جێ
دێت دەگوورێ لەو كەنارە
لەو بەرە
ڕیشەكانی توند لە ژینم ڕۆ دەكا
تاكوو بوونێكی تریش پاش ئەو شەڕە
پێش ئەوەی بێمە جیهان
وا كە ملوێنان لە هاو چەشنانی خۆم
دیار نەمان و دوور خران
جا بەتەنیا
هەر بەتن یا مامەوە؟
من كە ئیستا
فامی ناكەم ئەو وزە
ئەو دەمە
چۆن چلۆن بوو
گەر بهاتباو تێكەڵی بۆ من نەبا
چۆن دەمام
كات و ساتی ئیستا كوا
نرخی كوا
كاتێ دێ بنجی لە ژینا داكوتاو
من لە دونیادا نەماو
هەر یەكێ دەرباز ئەبێ
تەنیا یەكێ
كێ دەبێ ؟
چۆن دەبێ ؟
گرژ وئارامم لە تەك ئەم چینەدام
دەك نەبێ
چەشنی پێشووش ئاوەها دوور بوو لە من
دەك نەبێ
چفت و قوفڵێ ئێرەی ئاوایی نواند
چفت و قوفڵێ بوو كە جیا دۆخی دواند
چفت و قوفڵێ
هاتنی ئەو ڕێ ئەدا
دەرباز كوا
قووڵ دەبێ قووڵتر لە بێ بن ڕۆبچی
ئەو وزە
دەنگە دەنگێك دێ لە ئەودیو
ئەم ڕووخە
دەی دەسا بخوێنە هەستە
ئەو وزە
دەی وە ناوی بخوێنە
ڕێ بە ڕێ بە ڕێ دەبێ
دێت و دەمبا ڕەنگە دوور
ڕەنگە هیندی ئەو دەمی
هەر ئەو دەمی
خۆر كە ئارام دێتە دەر
یا ڕۆ دەچێ
ئەو ڕەهەندەی دی سەمایێ ڕی دەخا
چفت و قوفڵی ڕووبدا
زوو ڕۆ دەبا
نەك بەدەر بێ ئەو وزه
لێرەدام تەنیا بە دوور
لێرەدام ئارام نوقم
چاوەڕوان
جیا لە ئەو نا
لێرەدام
شەو بێ یا رۆژ
تاكو بێ
هەر دەمێ هەر دە بێ
من دەزانم
ڕۆژێ لێرە لێرەدا
سیگارە ڕێ
جگەرەیـەو تامی قووڵی دووكەڵ
دووكەڵ و ئەم هەرێمە سكڵاوییە
من و هەموو دۆخەكانی بـیرچوون
حەژمەت و من
منـم و بلواری سەر چوار ڕێــیان
تۆیت و ئەودیو پەنجەرە
زرمممممم
لەم ناوەختەدا زرمەیەك
قوت دەكاتەوە
هەوێنی تۆپ وتیربار
تەقە دەكرێت و ناكوژرێـین
تەقە دەكرێت و ناوەســـتن
تەقەیەو ئاسایی بوون
تۆیت و پەردە
تۆیت و ژیانێكی تەماوی
تۆیت و تەمەنی نەتەنراو
منیش
لە تەمی پیرۆزدا
هەموو شتێكت بۆ دەڵێم
من هەموو شتێك
لە هیچی پیرۆزەوە دەست پێدەكەم
[ گەمارۆ دراون لە جەغزا
هەنگاو وەدۆزین تا دەربازبوون]
[ ئازیزەكەم
لە كام سـووچەوە پێـت بگەم ]
گەمارۆ درابوون نەدرابوون بە دەرەك ...
ئەم ئازیزە
لە كوێوە خۆی كرد بە ناخی
ئەم هەوارە ماندوەدا
دەنگی موسەلسەل دێت نایات
بە جەحەندەم
ئەم هەموو خۆشەویستییەتان لە كوێوە هێناوە
من لە ناخی سكڵاویدا دەقیژێـنم
وەڵام دەدەیت
یەك
وەڵام نادەیت
سفر
لە ناخی سفر و یەكەوە گەمە دەسازێنرێت
خــشـشـشـشـشـــ
خـشـــەی ناوەخت لە كوێوە سەر هەڵئەدا
بۆ هەر كاتێك دەچمە ناخی
تەفت و ماندووم
دەبێ شتێك داتاشرێت
تائاوێتەی ئەو هیچە پیرۆزە نەبم
چاو دەگێڕم بە بلواردا
مەترسی چاو لە ناخی بوون دەشریخێ
سێ كورسی بەو لاوەتر
مانتۆیێك بە پانتۆڵێكەوە لكاوە
دەلكێن و نالكێن یانی چی ؟ بە توون !
چ كات ماندوویی ئەو گەمارۆییە
لە لەشم دەربازنەبــوە
گڵۆپەكان كز دەبن تا ناخی ڕۆچوون
{ دونیایێكی تیشكاوی دەخوڵـقێنین
ژیان دەكەمە ملوانكە
لە گردنتا دەیڕەنگێنم }
ئەها چ دەڵێم ؟
ژیان قەبارەی گەردنی كام جەغزەیە ؟
تا بیـهۆنمەوە
ئەم وتە بێبایەخانە
لە كام سووچی سفر و یەكەكانەوە
لێم ئاڵاوە
خۆم دێـلیـت كە
[ماشینێكی سوور بێت و هەڵمگرێ
بێت و نوقمی خۆشیم بكات
بێت و لە چنگ ئەم هەموو ماندووییە وەمــحەسێنێ]
هەر ماشینەو دێت و دەڕوا
هەر تۆیت و ویستی ماشێن
هەر تۆیت و خەونی ڕەنگاوی
لە یادمە لە شوێنێكدا وامنووسیبوو:
… ))بێجگە ڕێواس هەرچی وشەیە نامۆیە
بۆ دركاندنی دڵداری لە نێو ئەم گۆمە خوێنەدا
كە شـاماسی بە تۆڕی زێڕ ڕاو كراوە ))
نە كەس لە ڕێواس گەیشت و نە تۆ
هەستت بە تۆڕی زێڕ
لە سووچ سووچی هەنگاوت كرد
هەر نوقمی ئەم ویستە ناویستانەین
تۆ هەبوونت ناوێ
من هەبووت
تۆ ژیان دەگەڕێیت و
من دەمـهەوێ ژیان بكەم، بیلامانێ
لە خۆتا نوقمی
هەر خۆت دەبینی و ماشێنی سوور
لە خۆما نوقمم
ئەو دەبینم و پەنجەرە
پەنجەرە بۆ كرانەوەیە نەك
حەشار دان
[دەستێ بە ڕووتا بــهێنە]
بۆ وا دەڵێ
نەكا ڕوخسارم لە عارەقا خنكێندرابێ
ئەم هەموو جوانیە لە كوێیە
لە سووچی ئەم مانتۆیەوە
لە ناخی دەمارەكانم نوقم بووە
لە سووچی ئەم مانتۆ حەزاویەوە
مانتۆ دەپرسرێ و مات دەبی
كیش ... مات
( ئەو كەسەی ئەوپەڕی عەشقی لە دەنگمایە
دەڕوا بەیانی بێ بیانوو
دەنگی عەشــق چۆن دەفامێنێ )
دەنگی ئاخری پێدراوە
نۆتەكان دەیلاوێننەوە
من لەوبەر سێ كورسی دەبمەوە
پێستی ئەنگوست و پێنووسم عارەقیان كردۆتەوە
چاوی لە پاش چاویلكە دەشارێتەوە
چاوی لە پاش هەموو درۆكان دەشارێتەوە
چاوی لە چاوی دەشارێتەوە
من لەو دیو پەنجەرە ...
هەست ناكات :
( ئەم دیو پەنجەرە پڕە لە جوانی
پڕە لە بۆنی ڕێواس
پڕە لە تام و ڕەنگی ڕێواس )
{تۆ و ئەم هەموو زانینە... نەیان كوتوە}
تۆ لە جەغزی خۆتا سێسەدو شەستی
من هەمیشە لە ناخما سێسەدو شەستی مەزن هەست پێدەكەم
من هەموو سێسەدو شەستێ كە ئەزانم ناشكێ
دەتوانم بڕیاری شكاندنیان بدەم
دەتوانم هەموو سفرو یەكێ سەر بشێـوێنم
هەزار پەنجەرە وەكەم
لەسەر شاشەی بەرامبەرت
سڵاو دەكەیت
دەپرسی بۆ هاتن
هاتن لە كام سووچەوە چاوەڕوان بم
ئەستێرە ختووكە ئەدەن
لە شوێنێكی دیدا دەڵێن :
« لابكەیتەوە و لا نەكەیت ئەستێرەكان
بۆ تەلە سەرەكەی قژت هەر ڕاو دەكەم »
لەو دەمەوەی كەوتوومە ڕاوە ئەستێرە
تەلە سەرەكان لە پەنجەرە تا پاش مانگ
دێن و دەچن
هەتاو حەكـكەدارە
ماشینی سوور قات بوە
لە تەنشت من
هیچ كەس توتەمی خۆی پێناسە ناكا
لەوپەڕی تۆ
هەموو مانتۆكان پێناسەن
تیكەتیكە پێناسەكان دادەدڕێن
مـژێكی تری جگەرەو تامێكی تورتی دووكەڵ
لە پاڵ پشكۆ .
به ئاگاداري دؤستانی دةگةييَنم دةقي چيرؤكةكانم لة ناونيشانی www.sidiqkerimpur.blogfa.com دادةنيَم
لە وەرزێكی ساڵی نەهات
لەدوای ئەوە كە دواهەم سوار
خەونی ماندووبووی ڕێبواری
لە هێڵەكی چاوەكانیا
هاوتەریبی ترووسكەی جوغزە ماندوەكان
دەردەخست و دەیدا بە با
من ڕێكەوتم هەنگاوم نا
ڕێ ڕێم پێوا
چاوە داپۆشراوەكانم
لەتافی ماندوو بوونەكان دا وەردەدا
كەس نەبوو چۆڕێ بیر وەكا
كەس نەیفامان
كەس نەیدەویست بیدركێنێ
كامە گوڵ یەخەی خۆ دەدڕێ
كام ترووسكە تیژی لەمن و ...
كام نامۆیی خۆ لە دەروونتان وەردەدا
لێرە هەور بە ڕندوكی چاوانتان خۆ..
خۆی تێر دەكا
دادەبارێ
لێرە هەور بە مووچڕكی لەشی ئێمە..
ئێمە دەتریشقێنێ باڵا دەكەن
خۆ فام ناكەن
ناسیاوی تاسەگرتووی نەهاتنن
لەساتێكی هەزار هەزار
پاش حەزێك سۆزێك مەودایێك..
هیچ نەتان ویست یەك وەبینن
نەتان زانی و نەتان توانی
ماچەكان لەتاڵە لەراوەكان دەربكێشن؟
بۆ ناخی شار
نەتان فامان
هەروا منتان لەژێر فێنكە باراناوی هاوینە هەوارەكان
دوور خستەوە
بێ ئەوەی كە هەست پێ بكەن
ماچ و باران
دەست بخشێنن
بە گۆشە و ناوقەی لەچكە گوڵ سوور سوورەكان
وەیبڕێنن نەتانفاماند
كاتێك كەڵە كێویەكان
بە بێ تاوان شەهید كران
هەتاو سووتا
خۆڵە مێشی لە ئاسماندا
ئەسرینی ڕشت بەسەر خوێندا
لە جێگای خوێن هەڵاڵەی سوور سەری هەڵدا
هەتاوی دڵ بە ئەسپایی
بە شوێن شوێـنەواری شـەوا
گەشو پڕ هێز هەنگاو دەنێ
تا ڕێـبازی هێدی هێدی
ڵە دڵی شەودا جێـگا بگرێ
|
